ଦ୍ୱିତୀୟ ଥର ମାଆ ହେବେ ଇଲିଆନ !

ଦ୍ୱିତୀୟ ଥର ମାଆ ହେବାକୁ ଯାଉଛନ୍ତି ଅଭିନେତ୍ରୀ ଇଲିଆନା ଡି’କ୍ରୁଜ୍ । ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଅଭିନେତ୍ରୀ ଜଣକ ପ୍ରଶଂସକମାନଙ୍କୁ କହିଛନ୍ତି ଯେ ସେ ଗର୍ଭବତୀ ଅଛନ୍ତି । ଇଲିଆନା ଡି’କ୍ରୁଜ୍ ଇନଷ୍ଟାଗ୍ରାମ ଷ୍ଟୋରିରେ ପପକର୍ନ ସ୍ନାକ୍ସ ଏବଂ ଆଣ୍ଟାସିଡ୍ ଚୋବାଇବାର ଏକ ପ୍ୟାକେଟର ଫଟୋ ପୋଷ୍ଟ କରିଛନ୍ତି । ସେହି ପୋଷ୍ଟରେ ୧୨ଟା ବାଜି ୪୩ ମନିଟ୍ ସମୟ ଲେଖା ଯାଇଛି । ଇଲିଆନା ଡି’କ୍ରୁଜଙ୍କ ଏକ ରିଲ୍ ସାମ୍ନାକୁ ଆସିଥିଲା, ଯେଉଁଥିରେ ତାଙ୍କ ସ୍ୱାମୀ ମାଇକେଲ୍ ଡୋଲାନ୍ ଏବଂ ପୁଅ କୋଆ ଫୋନିକ୍ସ ଡୋଲାନ୍ ସହିତ ବିତାଇଥିବା ମୁହୂର୍ତ୍ତଗୁଡ଼ିକର ଝଲକ ଦେଖାଯାଇଥିଲ । ଏହି ପୋଷ୍ଟରେ ମନ୍ତବ୍ୟ ଦେଇ ଜଣେ ପ୍ରଶଂସକ ଲେଖିଛନ୍ତି ଯେ ଆପଣ ପୁନର୍ବାର ଗର୍ଭବତୀ ଅଛନ୍ତି କି ? ତେଣୁ କେହି ଜଣେ ପଚାରିଲେ, “ଦ୍ୱିତୀୟ ଶିଶୁ ୨୦୨୫ରେ ଆସୁଛି କି?” ପ୍ରଶଂସକମାନେ ତାଙ୍କ ପୋଷ୍ଟକୁ ବହୁତ ପସନ୍ଦ କରୁଛନ୍ତି ଏବଂ ତାଙ୍କୁ ଶୁଭେଚ୍ଛା ଜଣାଉଛନ୍ତି ।
କହିବାକୁ ଗଲେ ଯେ ଅଗଷ୍ଟ ୨୦୨୩ରେ ଇଲିଆନା ତାଙ୍କର ପ୍ରଥମ ପୁଅ କୋଆଙ୍କୁ ସ୍ୱାଗତ କରିଥିଲେ । ସେ ଇନଷ୍ଟାଗ୍ରାମରେ ପୁଅର ପ୍ରଥମ ଜନ୍ମଦିନର ଫଟୋ ମଧ୍ୟ ସେୟାର କରିଥିଲେ। ଯାହା ଭାଇରାଲ ହୋଇଥିଲା । ଇଲିଆନା ତାଙ୍କ ଗର୍ଭାବସ୍ଥା ଦିନଗୁଡ଼ିକ ବିଷୟରେ ଲେଖିଥିଲେ । ଆଜିଠାରୁ ଗୋଟିଏ ବର୍ଷ ପୂର୍ବେ ମୋର ଛୋଟ ଶିଶୁଟି ମୋ ଭିତରେ ଏକ ଛୋଟ ବୀଜ ଆକାରର ଥିଲା । ମୋର ମନେ ଅଛି ଏହି ସମୟରେ ମୋ ଭିତରେ ଅନେକ ଭାବନା ଥିଲା । ଯେଉଁଥିରେ ଉତ୍ସାହ, ନର୍ଭସ ସହ ତାକୁ ସୁରକ୍ଷା ଦେବା ଏବଂ ସୁରକ୍ଷିତ ରଖିବା ଭଳି ଅନେକ ଭାବନା ମୋ ଭିତରେ ରହିଥିଲା ।