ସବୁ ଗୁଜବର ଅନ୍ତ କଲେ ବଚ୍ଚନ ଦମ୍ପତ୍ତି । ଏକାଠି ନଜର ଆସିଲେ ଐଶ୍ବର୍ଯ୍ୟ ଅଭିଷେକ । ଦୀର୍ଘ ଦିନ ଧରି ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟଙ୍କ ମଧ୍ୟରେ ଛାଡପତ୍ର ନେଇ ଖବର ଚର୍ଚ୍ଚାରେ ରହିଥିଲା । ବର୍ତ୍ତମାନ ଏହି ଦମ୍ପତ୍ତି ଛାଡପତ୍ର ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇଛନ୍ତି । ଦମ୍ପତିଙ୍କ ନୂଆ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଚଳଚ୍ଚିତ୍ର ନିର୍ମାତା ଅନୁ ରଞ୍ଜନ ତାଙ୍କ ଇନଷ୍ଟାଗ୍ରାମରେ ଏକ ପାର୍ଟିର ଫଟୋ ସେୟାର କରିଛନ୍ତି । ଫଟୋରେ ଅଭିଷେକ ବଚ୍ଚନ ତାଙ୍କ ପତ୍ନୀ ଐଶ୍ୱର୍ଯ୍ୟା ରାୟ ଏବଂ ଶାଶୁ ବୃନ୍ଦା ରାଜଙ୍କ ସହ ଏକାଠି ନଜର ଆସିଛନ୍ତି । ଫଟୋରେ ଐଶ୍ୱର୍ଯ୍ୟା ଏବଂ ଅଭିଷେକ ଉଭୟ ବ୍ଲାକ ରଙ୍ଗର ଆଉଟଫିଟରେ ନଜର ଆସିଛନ୍ତି । ସେହିପରି ଅଭିନେତ୍ରୀ ଆୟେଶା ଜୁଲ୍କା ମଧ୍ୟ ଏହି ପାର୍ଟିର କିଛି ଫଟୋ ଇନଷ୍ଟାଗ୍ରାମ ଷ୍ଟୋରୀରେ ସେୟାର କରିଛନ୍ତି । ସେ ଐଶ୍ୱର୍ଯ୍ୟା ଏବଂ ଅଭିଷେକଙ୍କ ସହ ପୋଜ୍ କରୁଥିବା ଦେଖିବାକୁ ମିଳିଛି । ଏହି ସମୟରେ ଉଭୟ ବେଶ ଖୁସିଥିବା ନଜର ଆସିଛନ୍ତି । ତେବେ ଅଭିଷେକ-ଐଶ୍ୱର୍ଯ୍ୟାଙ୍କ ଫଟୋ ସାମ୍ନାକୁ ଆସିବା ପରେ ବିବାହ ବିଚ୍ଛେଦ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇଛନ୍ତି ।
