ସାଧାରଣତଃ ଘରେ ବାସ୍ତୁ ଦୋଷ ରହିଲେ ଘରର ଅବନତି ହୋିତାଏ । ପରିବାରର ସଦସ୍ୟଙ୍କ ଶରିର ଅସୁସ୍ଥ ହୁଏ । ଧନ କ୍ଷୟ ହୁଏ । ଘରେ ଅଶାନ୍ତି ଲାଗି ରହେ । ତେବେ ଘରର ବାସ୍ତୁ ଦୋଷ ଦୂର କରିବା ପାଇଁ ଲୋକମାନେ ନାନା ଉପାୟ ଆପଣାଇଥାନ୍ତି । ତେବେ ଯଦି ଆପଣଙ୍କ ଘରେ ବାସ୍ତୁତ୍ରୁଟି ଥାଏ ତେବେ ଆପଣଙ୍କୁ ଅନେକ ସମସ୍ୟାର ସାମ୍ନା କରିବାକୁ ପଡିପାରେ। ତେଣୁ, ଅନେକ ଲୋକ ବାସ୍ତୁତ୍ରୁଟିରୁ ରକ୍ଷା ପାଇବା ପାଇଁ ଘର ନିର୍ମାଣ କରିବା ସମୟରେ ବାସ୍ତୁ ବିଶେଷଜ୍ଞଙ୍କ ସହିତ ପରାମର୍ଶ କରନ୍ତି। ଏହା ପରେ ସେମାନଙ୍କ ଦ୍ୱାରା ଦିଆଯାଇଥିବା ନିର୍ଦ୍ଦେଶ ଅନୁଯାୟୀ ଘର ତିଆରି କରନ୍ତି। ତେବେ, ଘରେ ଥିବା ବାସ୍ତୁତ୍ରୁଟି ଦୂର କରିବାକୁ ହେଲେ ଘରର ପରିବେଶ ସନ୍ତୁଳନ ତଥା ଏହାର ଆଖପାଖ ଅଞ୍ଚଳ ସନ୍ତୁଳନ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଯଦି ଆପଣଙ୍କ ଘର ଏବଂ ଏହାର ଆଖପାଖରେ ସ୍ୱଚ୍ଛ ଏବଂ ସତେଜ ବାୟୁ ଅଛି, ତେବେ ବାସ୍ତୁତ୍ରୁଟି ଦୂର ହୋଇଯାଏ, ଯାହା ବ୍ୟକ୍ତିର ସ୍ୱାସ୍ଥ୍ୟ ପାଇଁ ମଧ୍ୟ ଗୁରୁତ୍ୱପୂର୍ଣ୍ଣ। ବାସ୍ତୁଶାସ୍ତ୍ର ଅନୁଯାୟୀ, ଏପରି କିଛି ଗଛ ଅଛି ଯାହାକୁ ଆପଣଙ୍କ ଘରେ କିମ୍ବା ଏହାର ଚାରିପାଖରେ ଲଗାଇଲେ, ତେବେ ଆପେ ଆପେ ବାସ୍ତୁତ୍ରୁଟି ଦୂର ହୋଇଯାଏ।
ଯଦି ଘରର ଉତ୍ତର ଦିଗରେ ଅଶୋକ ଗଛ ଲଗାଯାଏ, ତେବେ ବାସ୍ତୁଶାସ୍ତ୍ର ଅନୁଯାୟୀ ଏହା ଖୁବ ଶୁଭ ହୋଇଥାଏ। ଘର ପାଖରେ ଅଶୋକ ଗଛ ଥିଲେ ଏହା ନକାରାତ୍ମକ ଶକ୍ତିକୁ ଦୂର କରିଥାଏ। ଘରେ ସୁଖ ଏବଂ ଶାନ୍ତି ଖେଳିଯାଏ। ସେହିପରି କଦଳୀ ଗଛ ମଧ୍ୟ ଶୁଭ ବୋଲି ବିବେଚନା କରାଯାଏ। ଆପଣ ନିଜ ଘରର ଉତ୍ତର-ପୂର୍ବ ଦିଗରେ ଏକ କଦଳୀ ଗଛ ଲଗାଇ ପାରିବେ। ଯଦି ଆପଣ ଏକ କଦଳୀ ଗଛ ସହିତ ତୁଳସୀ ଗଛ ଲଗାନ୍ତି, ତେବେ ଫଳାଫଳ ଅଧିକ ଶୁଭ ହୋଇଥାଏ । ବାସ୍ତୁଶାସ୍ତ୍ର ଅନୁଯାୟୀ ଯଦି ଆପଣ ନିଜ ଘରର ଚାରିପାଖରେ ନଡିଆ ଗଛ ଲଗାଇବେ, ତେବେ ଏହା ବହୁତ ଶୁଭ ଫଳ ଦେଇଥାଏ। ଏହା ଘରେ ରହୁଥିବା ବ୍ୟକ୍ତିଙ୍କ ଗୌରବକୁ ବଢାଇ ଦେଇଥାଏ। ଆର୍ଥିକ ସ୍ଥିତିରେ ମଧ୍ୟ ସୁଧାର ଆସିଥାଏ। ଘର ପାଖରେ ବର ଗଛ ରହିଲେ ମଧ୍ୟ ବହୁତ ଶୁଭ ବୋଲି ବିବେଚନା କରାଯାଏ। ଯଦି ଆପଣ ଏହି ଗଛକୁ ଘରର ପୂର୍ବ ଦିଗରେ ଲଗାଇବେ ତେବେ ଆପଣଙ୍କ ସମସ୍ତ ଇଚ୍ଛା ପୂରଣ ହେବ। ତେବେ ମନେରଖନ୍ତୁ ଯେ ଏହି ଗଛର ଛାଇ ଯେପରି ଆପଣଙ୍କ ଘର ଉପରେ ପଡ଼ିବ ନାହିଁ। ଏହି ଗଛକୁ ଘରର ପୂର୍ବ କିମ୍ବା ପଶ୍ଚିମ ଦିଗରେ ରଖିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। ସେହିପରି ବାସ୍ତୁଶାସ୍ତ୍ରୀଙ୍କ ଅନୁଯାୟୀ, ଅଁଳା ଗଛକୁ ଆପଣଙ୍କ ଘରର ଚାରିପାଖରେ ରଖିବା ଅତ୍ୟନ୍ତ ଶୁଭ ହୋଇଥାଏ। ଏହି ଗଛ ଆପଣଙ୍କ ଘରକୁ ସକରାତ୍ମକ ଶକ୍ତି ଆଣିଥାଏ ଏବଂ ଏହାର ଅନେକ ଔଷଧୀୟ ଗୁଣ ମଧ୍ୟ ଥାଏ।
ଘର ପାଖରେ ଅଛି କି ଏହି ଗଛ ଦୂର ହେବ ସବୁ ସମସ୍ୟା !
