ଜାଗୃତି ପାଳିଲେନି କି ସାବିତ୍ରୀ ବ୍ରତ
ଦିଲ୍ଲୀ ଗର୍ଲକୁ ପ୍ରଶ୍ନ କଲେ ପ୍ରଶଂସକ
ଗଣ ମାଧ୍ୟମରେ ଆସିଲାନି ଅନୁଭବଙ୍କ ଫଟୋ
ସାରା ରାଜ୍ୟରେ ପାଳନ ହେଲା ସାବିତ୍ରୀ ବ୍ରତ । ଶଙ୍ଖା ସିନ୍ଦୂର ପିନ୍ଧି ସ୍ବାମୀଙ୍କ ମଙ୍ଗଳ କାମନା କଲେ ସଧବା ନାରୀ । ତେବେ ସଜବାଜ ସହ ପୂଜା ପାଠ ଆଉ ସ୍ବାମୀଙ୍କ ପୂଜା ପରେ ଗଣ ମାଧ୍ୟମରେ ଭର୍ତ୍ତି ହେଲା କପଲ ଫଟୋ । ସେପଟେ ଓଲିଉଡ ତାରକା ମାନେ ମଧ୍ୟ ନିଜ ନିଜ ପ୍ରଶସଂଶଙ୍କ ପାଇଁ ଫଟୋ ପୋଷ୍ଟ କଲେ । କିନ୍ତୁ ଚଳିତ ବର୍ଷର ଚର୍ଚ୍ଚିଚ ନବ ବିବାହିତ ଦମ୍ପତ୍ତି ଅନୁଭବ ଓ ଜାଗୃତିଙ୍କ ସାବିତ୍ରୀ ଫଟୋ ଆସିଲା ନାହିଁ । ଯାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । କାରଣ ସାବିତ୍ରୀ ବ୍ରତ ପାଳନ ପରେ ଫଟୋ ସେୟାର କରିଛନ୍ତି ଓଲିଉଡ ତାରକା ।
ଅନୁରାଗଙ୍କ ପାଇଁ ସାବିତ୍ରୀ ବ୍ରତ କଲେ ଏଲିନା । ପ୍ରଥମ ଥର ବାହାଘର ପରେ ୨୦୨୫ରେ ସେ ପ୍ରଥମ କରି ବ୍ରତ ପାଳନ କରିଛନ୍ତି । ଅନ୍ୟପଟେ ଜୟଦେବଙ୍କ ପାଇଁ ସାବିତ୍ରୀ କଲେ କୁକିଜ୍ ଏଥି ସହ ଜ୍ୟୋତିଙ୍କ ପାଇଁ ସିମ୍ରନ ମଧ୍ୟ ସାବିତ୍ରୀ ବ୍ରତ ପାଳନ କରିଛନ୍ତି । ଯାହାର ଭିଡିଓ ସବୁ ଭାଇରାଲ ହେବାରେ ଲାଗିଛି । କିନ୍ତୁ ଅନୁଭବଙ୍କ ଫ୍ୟାନ୍ସ ଏହି କ୍ଷେତ୍ରରେ ନିରାଶ ହୋଇଛନ୍ତି । ସୋସିଆଲ ମିଡିଆରେ ଆସିଲାନି ଅନୁଭବ ଓ ଜାଗୃତିଙ୍କ ସାବିତ୍ରୀ ଫଟୋ । ତେଣୁ ଜାଗୃତି ଶୁକ୍ଳା ସାବିତ୍ରୀ ପାଳିଛନ୍ତି କି ନାହିଁ ବୋଲି ପ୍ରଶ୍ନ କରିଛନ୍ତି ଅନୁଭବଙ୍କ ପ୍ରଶସଂସକ ।
